სამხრეთ-აღმოსავლეთ აზიაში კვლავ ძლიერი სტიქიის შედეგებს ებრძვიან. Reuters-ის ინფორმაციით, ქარიშხალ „იაგის“ მხვერპლთა რიცხვმა ვიეტნამში 197-ს მიაღწია, 120 ადამიანზე მეტი კი ამ დრომდე დაკარგულად ითვლება.

მეტეოროლოგების პროგნოზით, მომდევნო 24 საათის განმავლობაში ვიეტნამის დედაქალაქ ჰანოიში წყლის დონე შედარებით დაიკლებს.

ექსპერტების შეფასებით, ეს ჰანოიში ბოლო 20 წლის განმავლობაში მომხდარი ყველაზე ძლიერი წყალდიდობაა.