„ქართული ოცნების“ ინფორმაციით, ჩხოროწყუში, „კოალიცია ცვლილებისთვის“ წევრმა „ქართული ოცნების“ ადგილობრივი საარჩევნო შტაბის ხელმძღვანელს ავტომანქანა ქვებით დაუმტვრია

„ქართული ოცნების“ ინფორმაციით, ჩხოროწყუში, „კოალიცია ცვლილებისთვის“ წევრმა, ვახტანგ ლემონჯავამ „ქართული ოცნების“ ადგილობრივი საარჩევნო შტაბის ხელმძღვანელს, ჯუმბერ იზორიას ავტომანქანა ქვებით დაუმტვრია. როგორც პარტიაში აცხადებენ, საქმეზე დაწყებულია გამოძიება.

„წუხელ, გვიან ღამით, პარტია „ქართული ოცნება - დემოკრატიული საქართველოს“ წევრისა და ჩხოროწყუს საარჩევნო შტაბის ხელმძღვანელის ჯუმბერ იზორიას კუთვნილი ავტომანქანა პარტია „ახალის“ წევრმა, ჩხოროწყუს ყოფილმა დეპუტატმა ვახტანგ ლემონჯავამ დააზიანა. ვახტანგ ლემონჯავა კოალიცია „ახალი-გირჩი-დროას“ ჩხოროწყუს საარჩევნო შტაბის ხელმძღვანელის გიგა ლემონჯავას მამაა“, - აცხადებენ პარტიაში.

„სოფელ ლესიჭინეს ცენტრში დავტოვე ჩემი კუთვნილი ავტომანქანა, წავედით შეხვედრებზე და როცა მოვბრუნდი ვნახე მანქანასთან შეგროვილი ხალხი. როგორც შემდეგ გავარკვიე, არაფხიზელ მდგომარეობაში მყოფი ვახტანგ ლემონჯავა მივარდა ავტომანქანას, არაადეკვატურად იქცეოდა, იგინებოდა, ისროდა ქვებს ავტომანქანის მიმართულებით. ფაქტს ჰყავს არაერთი თვითმხილველი. ჩვენთვის, “ქართული ოცნებისთვის”, მნიშვნელოვანია საარჩევნო კამპანიამ ჩაიაროს მშვიდ გარემოში, თუმცა ოპონენტებისგან ვხედავთ აგრესიას, ძალადობას, პირად სივრცეში შემოჭრას, მხარდამჭერების ბულინგის მცდელობებს, ხულიგნობას - რაც ნამდვილად ქმნის პოლარიზაციას. ეს ქმედება დაფიქსირებული აქვთ სათვალთვალო კამერებს და დაწყებულია გამოძიება. მოვუწოდებ ოპონენტებს შეეგუონ მარცხს და ნუ ცდილობენ გავიდნენ კანონის ჩარჩოებიდან“, - აცხადებს ჯუმბერ იზორია.

აღნიშნულ თემაზე დღეს, 14:00 საათზე, „ქართული ოცნების“ ჩხოროწყუს შტაბში ბრიფინგი გაიმართება.

სტეპან  გრიგორიანი - ლავროვის გზავნილი სომეხი ხალხისთვის ასეთი იყო - რუსეთი უკრაინაში ბოლომდე იბრძოლებს, თქვენ კი გაფრთხილებთ - თუ  გააგრძელებთ ევროკავშირთან ინტეგრაციას, კარგ დღეში თქვენც არ იქნებით
ქართული პრესის მიმოხილვა 22.05.2025
ლევან ალაფიშვილი - „ქართული ოცნება“ ერთი მხრივ დემოკრატიულ ინსტიტუტებზე ახდენს თავდასხმას, ხოლო მეორე მხრივ რეპრესიულ მექანიზმებს აძლიერებს
„ბრიტანულ ქართული აკადემიის“ დამფუძნებლები „საქართველოს კაპიტალის“ ლონდონის საფონდო ბირჟიდან გარიცხვას ითხოვენ
შპს „წინანდლის ვენახები“ განცხადებას ავრცელებს
მორიგი მნიშვნელოვანი პარტნიორობა უძრავი ქონების ბაზარზე
ისარგებლე „სილქნეტის“ 90-დღიანი პაკეტებით მთელი ზაფხული
გადაიხადეთ SOLO MASTERCARD ბარათით Dressup.ge-ზე და მიიღეთ 40%-იანი „ქეშბექი“
„ფავორიტი სტილის“ ახალი შენობა და ტექნოლოგიური განახლება - კომპანია ახალ ეტაპზე გადადის