ცენტრალურ ევროპაში წყალდიდობის შედეგად დაღუპულთა რიცხვი იზრდება. მედიის ინფორმაციით, ექვსი ადამიანი დაიღუპა რუმინეთში, ერთი ავსტრიაში და ერთი პოლონეთში, ერთი ადამიანი დაიღუპა ჩეხეთშიც, სადაც შვიდი ადამიანი დაკარგულად ითვლება.

ჩეხეთის პრემიერ-მინისტრმა, პეტრ ფიალამ მოქალაქეებს მოუწოდა, მერებისა და საგანგებო სიტუაციების სამსახურების ინსტრუქციები დაიცვან.

ავსტრიის კანცლერმა, კარლ ნეჰამერმა განაცხადა, რომ ქარიშხლით დაზარალებულ რეგიონებში ავსტრიის შეიარაღებული ძალებია განლაგებულია და რომ 2 400 ჯარისკაცი მზადყოფნაშია, რათა ქვიშის ტომრების შევსებაში, ხალხის ევაკუაციაში ან დასუფთავების სამუშაოებში მიიღოს მონაწილეობა.

უნგრეთის თავდაცვის ძალები წყალდიდობისგან დაცვის მცდელობების მხარდასაჭერად აღჭურვილობას განათავსებენ.

Reuters-ის ინფორმაციით, ცენტრალურ ევროპაში, სტიქიის გამო, ქარხნებისა და მაღაზიების ნაწილმა საწარმოო ხაზები დროებით დახურა და მუშაობა შეაჩერა.