ლიბანში “ჰეზბოლას” მებრძოლების უსადენო საკომუნიკაციო მოწყობილობების აფეთქების შედეგად დაღუპულთა რაოდენობა 20-მდე გაიზარდა, - ინფორმაციას ქვეყნის ჯანდაცვის სამინისტრო ავრცელებს.

უწყების ცნობით, დაიჭრა 450-ზე მეტი ადამიანი.

ზოგიერთი აფეთქება იმ 12 ადამიანის დაკრძალვის დროს მოხდა, რომლებიც მანამდე „ჰეზბოლას“ წევრების პეიჯერების აფეთქებისას დაიღუპნენ.

„ჰეზბოლა“ თავდასხმებში ისრაელს ადანაშაულებს, თუმცა ისრაელს ოფიციალური კომენტარი არ გაუკეთებია.