20 სექტემბერს, ქალაქ მარნეულში „მარნეულობა 2024“ გაიმართება. ამის შესახებ ინფორმაციას მარნეულის მუნიციპალიტეტის მერია ავრცელებს.

მათივე ცნობით, ღონისძიება ძეგლის „კიდევაც დაიზრდებიან“ მიმდებარე სკვერთან გაიმართება. პროგრამა 13:00 საათზე დაიწყება.

მარნეულის მუნიციპალიტეტის მერია დაგეგმილი ღონისძიებების შესახებ ინფორმაციას აქვეყნებს:

13:00 - 18:00 - ადგილობრივი ნაწარმის გამოფენა- გაყიდვა;

13:00 - 17:00 - ფოტო სივრცე;

14:00 - 18:00 - მუზეუმი ღია ცის ქვეშ - მარნეულის ადმინისტრაციული ერთეულების მიერ წარმოდგენილი ტრადიციული კულინარია და ეთნოგრაფიული ნიმუშების გამოფენა;

14:30 - ღვინის დაწურვა საწნახელში, თონეში პურის ცხობა, ჩურჩხელების ამოვლება;

დღის განმავლობაში გაიმართება სხვადასხვა სპორტული აქტივობა;

14:00 - 15:10 - საბავშვო გასართობი შოუ ანიმატორებისა და ზღაპრის გმირების მონაწილეობით;

15:10 - 15:15 - ანსამბლი „შავნაბადა“;

15:35 -17:00 - კონცერტი ადგილობრივი შემსრულებლების მონაწილეობით;

გალა-კონცერტი:

18:30 - 19:30 - აზერბაიჯანელი მომღერალი როზა ზერგერლი;

19:30 - 21:00 - მუსიკალური ჯგუფი „ურსა“;

21: 00 - ფოიერვერკი

ადგილობრივი თვითმმართველობის ინიციატივით, მუნიციპალური ტრანსპორტი ღონისძიებაზე დასწრების მსურველ მოქალაქეებს უფასოდ მოემსახურება“,-აღნიშნულია ინფორმაციაში.