რუსული ძალები ზაპოროჟიეს ექვსი მართვადი ბომბით დაესხნენ თავს, დაშავდა 9 ადამიანი, მათ შორის ერთი ბავშვი, - ინფორმაციას უკრაინული მედია ზაპოროჟიეს საოლქო-სამხედრო ადმინისტრაციის ხელმძღვანელზე, ივან ფედოროვზე დაყრდნობით ავრცელებს.
ფედოროვის განცხადებით, დარტყმის შედეგად შენობები ნაწილობრივ განადგურდა. აფეთქების ტალღამ და ნამსხვრევებმა მიმდებარე სახლები დააზიანა.
უკრაინის შინაგან საქმეთა სამინისტროს ცნობით, წინასწარი ინფორმაციით, რუსებმა მართვადი ბომბებით ექვსი დარტყმა განახორციელეს, რის შედეგადაც ავტომობილებს ცეცხლი გაუჩნდა და საცხოვრებელი კორპუსები დაზიანდა.
თავდასხმის შედეგების სალიკვიდაციო სამუშაოებში საგანგებო სიტუაციების სამსახურის 47 მაშველი და 10 ერთეული ტექნიკა იყო ჩართული.
ადგილზე მუშაობდნენ პოლიციელები, ასაფეთქებელი ნივთიერებების ექსპერტები, უკრაინის წითელი ჯვრის საზოგადოების სწრაფი რეაგირების განყოფილების მოხალისეები და სხვა შესაბამისი საქალაქო სამსახურები.
