„ქართული ოცნება - დემოკრატიული საქართველოს“ რაჭა-ლეჩხუმი-ქვემო სვანეთის დელეგატი გოჩა ენუქიძე, ამბროლაურის მუნიციპალიტეტის ნიკორწმინდის ადმინისტრაციულ ერთეულში შემავალი სოფლების მოსახლეობას შეხვდა.

„ქართული ოცნების“ ინფორმაციით, დელეგატმა 26 ოქტომბრის საპარლამენტო არჩევნების მნიშვნელობას გაუსვა ხაზი და აღნიშნა თუ რამდენად აუცილებელია ამომრჩევლის ჩართულობა საარჩევნო პროცესში.

„ხელისუფლების წარმომადგენლები გაეცნენ იმ პრობლემებსა და გამოწვევებს, რომელიც მოსახლეობას აწუხებს და ერთობლივად განიხილეს მათი დროულად და ეფექტურად მოგვარების გზები. დელეგატმა მოსახლეობას „ქართული ოცნების“ საარჩევნო პროგრამა გააცნო“, - ნათქვამია ინფორმაციაში.