უნგრეთში შვედეთის ელჩი, საქართველოში ჩატარებული საპარლამენტო არჩევნების შესახებ უნგრეთის პრემიერ-მინისტრის, ვიქტორ ორბანის განცხადებების მიმართ შვედეთის პრემიერ მინისტრის მიერ გამოთქმული კრიტიკის გამო, საგარეო საქმეთა სამინისტროში დაიბარეს, - უცხოური მედიის ინფორმაციით, ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.

შვედეთის პრემიერ-მინისტრმა, ულფ კრისტერსონმა გამოთქვა შეშფოთება, რომ „რუსეთის გავლენის ქვეშ მყოფი მთავრობა ყველაფერს აკეთებს ევროპასთან დაახლოების თავიდან ასაცილებლად“. ვიქტორ ორბანის განცხადებასთან დაკავშირებით, რომ არჩევნები იყო „თავისუფალი და დემოკრატიული“, შვედეთის პრემიერმა განაცხადა, რომ ორბანი არ საუბრობს ევროპის ქვეყნების ან შვედეთის სახელით.

„შესაძლოა, ის საუბრობს რუსეთის სახელით, მაგრამ არა ყველა ჩვენგანის სახელით“, - აღნიშნა შვედეთის პრემიერმა.

„ეს არის განცხადება, რომელიც მაქსიმალურად მკაცრად უნდა იქნას გასაჩივრებული და რაც შეიძლება მტკიცედ უნდა იქნას უარყოფილი. ჩვენ არ მოვითმენთ და არ მივიღებთ ვინმემ ეჭვქვეშ დააყენოს წარმოვადგენთ თუ არა ჩვენს ინტერესებს, უნგრეთის ეროვნულ ინტერესს, ან უნგრეთის პოზიციას“, - აღნიშნა პიტერ სიიარტომ.