უკრაინის საგარეო საქმეთა სამინისტროს განცხადებით, ცნობები იმის შესახებ, რომ კიევი წინასწარ იყო ინფორმირებული აშშ-ის არჩეული პრეზიდენტის, დონალდ ტრამპისა და რუსეთის პრეზიდენტის, ვლადიმერ პუტინის სატელეფონო საუბრის შესახებ, მცდარია, - ინფორმაციას Reuters-ი ავრცელებს.

„ინფორმაცია იმის შესახებ, რომ უკრაინული მხარე წინასწარ იყო ინფორმირებული სატელეფონო ზარის შესახებ, მცდარია. შესაბამისად, უკრაინა ამ საუბარს ვერც მხარს დაუჭერდა და ვერც წინააღმდეგი იქნებოდა“, - განუცხადა საგარეო საქმეთა სამინისტროს პრესსპიკერმა, გეორგი ტიხიმ Reuters-ს.

ცნობისთვის, გამოცემა The Washington Post-მა გაავრცელა ინფორმაცია, რომ დონალდ ტრამპმა და ვლადიმერ პუტინმა ხუთშაბათს ტელეფონით ისაუბრეს და უკრაინის ომი საკითხი განიხილეს. გამოცემის ცნობით, კიევი ინფორმირებული იყო სატელეფონო ზარის შესახებ და არ გაუპროტესტებია ის.