უკრაინელებმა რუსების მიერ გაშვებული 21 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

„14 ნოემბრის ღამეს მტერმა კურსკის ოლქიდან 59 დრონი გაუშვა, მათგან 21-ის ჩამოგდება დადასტურდა“, - აცხადებენ უკრაინის საჰაერო ძალებში.

უკრაინის საჰაერო ძალების ცნობით, დანარჩენი 38 რუსული დრონი უკრაინის ტერიტორიაზე გაუჩინარდა.

უკრაინის თავდაცვის ძალებმა დრონები სუმის, ხარკოვის, პოლტავისა და კიევის ოლქებში ჩამოაგდეს.