მარკ რუტე ლატვიაში ჩავიდა
მარკ რუტე ლატვიაში ჩავიდა, - ამის შესახებ ინფორმაციას ნატო-ს პრესსპიკერი, ფარა დახლალა სოციალურ ქსელში ავრცელებს.
ვიზიტის ფარგლებში ნატო-ს გენერალური მდივანი, მარკ რუტე ლატვიის პრეზიდენტს, ედგარს რინკევიჩსა და პრემიერ-მინისტრს, ევიკა სილინას შეხვდება.
ასევე, მარკ რუტე „ადაჟის“ სამხედრო ბაზას ეწვევა და სამხედროებს სიტყვით მიმართავს.
ცნობისთვის, გუშინ, მარკ რუტე პოლონეთში იმყოფებოდა, სადაც პოლონეთის პრეზიდენტს, ანჯეი დუდასა და პრემიერ-მინისტრს, დონალდ ტუსკს შეხვდა.
