„კოალიცია ცვლილებისთვის“ ახალგაზრდული ფრთის წევრები ცესკოს თავმჯდომარის სახლთან შეიკრიბნენ

„კოალიცია ცვლილებისთვის“ საბურთალოს ოფისის ახალგაზრდული ფრთის წევრები ცესკოს თავმჯდომარის, გიორგი კალანდარიშვილის სახლთან შეიკრიბნენ.

ახალგაზრდებმა გიორგი კალანდარიშვილის სახლთან საპარლამენტო არჩევნების შედეგები გააპროტესტეს.

მათივე თქმით, არჩევნები “არის მოპარული” და საზოგადოება “მოპარულ ხმებს დაიბრუნებს”.

“გიორგი კალანდარიშვილის სახლთან მოვედით იმისთვის, რომ შევახსენოთ საზოგადოებისა და ახალგაზრდების პროტესტი. კალანდარიშვილი არის მარიონეტი, სიტყვა-სიტყვით გადმოიტანა რუსული დავალება და საქართველოში რუსული არჩევნები გააფორმა. რა თქმა უნდა, ახალგაზრდები არ შევეგუებით არჩევნების შედეგებს და ყოველდღე გავმართავთ სხვადასხვა ტიპის პროტესტს, რათა ამ რუს ჯალათებს შევახსენოთ, რომ არჩევნები არის მოპარული და საზოგადოება არჩევნებს მაინც დავიბრუნებთ. ჩვენ მზად ვართ, ყველანაირი ბრძოლისთვის”,- აცხადებს “კოალიცია ცვლილებისთვის” საბურთალოს ოფისის ახალგაზრდული ფრთის წევრი, ლევან გათიაშვილი.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის