თსუ-ს სტუდენტებს სოლიდარობას ვუცხადებთ და ჩვენ მათთან ერთად ვართ, - აღნიშნულ ერთობლივ მიმართვას ბათუმის შოთა რუსთაველის სახელობის სახელმწიფო უნივერსიტეტის ის სტუდენტები ავრცელებენ, რომლებიც ბსუ-ს შენობაში მეორე ღამეა პროტესტის ნიშნად იმყოფებიან.

მათი განცხადებით, თბილისის სახელმწიფო უნივერსიტეტის სტუდენტები მათთან ერთად ევროპული მომავლისთვის იბრძვიან.

„გვინდა მათ ვუთხრათ, რომ გამაგრდნენ. ჩვენ მათ გვერდით ვართ. ჩვენ აუცილებლად გავიმარჯვებთ“, - აცხადებენ სტუდენტები.

შეგახსენებთ, რომ არჩევნების გაუქმების მოთხოვნით, ბათუმის უნივერსიტეტის სტუდენტები საპროტესტო აქციას მეორე დღეა მართავენ.