ამერიკელი მაღალჩინოსნები ამერიკული ATACMS-ის რაკეტებით რუსეთის ტერიტორიის პირველად დაბომბვას ადასტურებენ.ამის შესახებ ინფორმაციას CNN-ი ორ წყაროზე დაყრდნობით ავრცელებს.

ორი ამერიკელი მაღალჩინოსნის ინფორმაციით, უკრაინამ ამერიკის მიერ მიწოდებული რაკეტებით პირველად დაბომბა რუსეთის ტერიტორია.

მათი ცნობით, სამიზნეს “რუსული იარაღის არსენალი” წარმოადგენდა.

აქამდე ამის შესახებ ინფორმაციას უკრაინული წყაროები ავრცელებდნენ. მათი ცნობით, ამერიკული ATACMS-ის რაკეტებით რუსეთის თავდაცვის სამინისტროს მთავარი სარაკეტო-საარტილერიო სამმართველოს არსენალი დაიბომბა, რომელიც ბრიანსის ოლქის ქალაქ კარაჩევში მდებარეობს.

მოგვიანებით, რუსეთის თავდაცვის სამინისტრომ განცხადება გაავრცელა, თითქოს უკრაინამ კარაჩევში მდებარე არსენალი 6 ATACMS რაკეტით დაბომბა.