ისრაელის თავდაცვის ძალები სამხრეთ ლიბანის მოსახლეობას აფრთხილებს, თავიანთ სახლებში დაბრუნებისგან ჯერჯერობით თავი შეიკავონ, - ინფორმაციას გამოცემა The Guardian-ი ავრცელებს.

”ჩვენ შეგატყობინებთ, როდესაც უსაფრთხოდ იქნება თქვენს სახლებში დაბრუნება”, - განაცხადა ისრაელის სამხედრო პრესსპიკერმა, ავიჩაი ადრეიმ.

ამ გაფრთხილების მიუხედავად, ისრაელსა და „ჰეზბოლას“ შორის ცეცხლის შეწყვეტის შეთანხმების ძალაში შესვლისთანავე, დევნილი მოსახლეობის ნაკადი სამხრეთ ლიბანისკენ დაიძრა.

Reuters-ი იუწყება, რომ საპორტო ქალაქ სიდონიდან, ადგილობრივი დროით დილის 4:00 საათზე, ანუ ისრაელსა და „ჰეზბოლას“ შორის ცეცხლის შეწყვეტის შეთანხმების ძალაში შესვლისთანავე, ათობით ავტომობილი სამხრეთ ლიბანისკენ გაემართა.