იმედი მაქვს, რომ ესტონეთში საქართველოს ელჩი ბატონი ბერძენიშვილის მაგალითს მიყვება , - ამის შესახებ ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი X-ის საკუთარ გვერდზე წერს.

"იმედი მაქვს, რომ ესტონეთში საქართველოს ელჩი ბატონი ბერძენიშვილის მაგალითს გაყვება", - წერს მიხელსონი.

შეგახსენებთ, ოთარ ბერძენიშვილმა განაცხადა, რომ ბულგარეთის ელჩის თანამდებობიდან გადადგომის შესახებ განცხადება დაწერა. „ჩემი ვრცელი დიპლომატიური სამსახურის მანძილზე (ორ ათწლეულზე მეტი) აქტიურად ვიყავი ჩემს კოლეგებთან ერთად ჩართული საქართველოს ევროატლანტიკური და ევროკავშირში ინტეგრაციის პროცესის პროგრესსა და ჩვენს მოკავშირეებთან, განსაკუთრებით აშშ-სთან, მყარი და ნდობით აღსავსე სტრატეგიული პარტნიორობის შენებაში. ჩვენი დაუღალავი ძალისხმევა არ უნდა შეირყეს, ან კომპრომეტირებული იყოს არავითარ შემთხვევაში. არა, მშვიდობიანი მომიტინგეების თავისუფალი ნების წინააღმდეგ ძალადობას, სრული სოლიდარობა მათ“, - ნათქვამია ბერძენიშვილის განცხადებაში.