აჭარის ტელევიზიასთან ნიღბიანები დაგვახვედრეს, სირცხვილი ხელისუფლებას, - ეს განცხადება ბათუმში, საპროტესტო აქციის მონაწილეებმა საზოგადოებრივი მაუწყებლის აჭარის ტელევიზიისა და რადიოს შენობასთან გააკეთეს, რომლებიც მაუწყებელს პირდაპირ ეთერს სთხოვენ.

“ველოდებით პირდაპირ ეთერს, ეს არის ჩვენი მთავარი მოთხოვნა”, - აღნიშნეს აქციის მონაწილეებმა.

საპროტესტო აქციის მონაწილეები მანამდე ბათუმის მერიის შენობასთან მივიდნენ და განაცხადეს, რომ ქვეყანაში „რუსულ რეჟიმს“ აპროტესტებენ.

ცნობისთვის, მოქალაქეების ინფორმაციით, საზოგადოებრივი მაუწყებლის აჭარის ტელევიზია და რადიო, საპარლამენტო არჩევნებში ბარიერგადალახულ პარტიებს ღია ეთერს დათანხმდა.