მოგმართავთ მოსამართლეებს, მიბაძეთ იმ მოსამართლეებს, რომლებიც ქართველი ხალხის გვერდით არიან, - ასე მიმართავენ ბათუმის საქალაქო სასამართლოსთან შეკრებილი მოქალაქეები ბათუმის საქალაქო სასამართლოს მოსამართლეებს, რომლებიც დაკავებულთა გასამხნევებლად მივიდნენ.

მოქალაქეები სასამართლოს მიმართავენ და საპროტესტო აქციაზე დაკავებულების დროულ გათავისუფლებას ითხოვენ.

ბათუმის საქალაქო სასამართლოს მთავარ შესასვლელთან სამართალდამცავები არიან მობილიზებული.

“სამართალდამცავებს ვთხოვთ, რომ გაათავისუფლონ გზა, მსვლელობას ჭავჭავაძის ქუჩაზე ვგეგმავთ. დე ფაქტო ხელისუფლება ვერ შეაშინებს აქ შეკრებილებს, მოპარული არჩევნებით არალეგიტიმურები არიან. ჩვენი გზა მხოლოდ და მხოლოდ ევროპაშია”, - აცხადებენ სასამართლოსთან შეკრებილები.