ედგარს რინკევიჩსი - ბალტიის ქვეყნები იყვნენ პირველები, რომლებმაც პერსონალური სანქციები დააწესეს, ჩვენი დიპლომატები ამ მიმართულებით ევროკავშირის ფარგლებშიც იმუშავებენ - საუკეთესო გზას ვიპოვით საქართველოს მხარდასაჭერად
ჩვენ, როგორღაც, პოლიტიკურად და სიმბოლურად მხარი უნდა დავუჭიროთ საქართველოს. იქნება ეს ერთობლივი ვიზიტები თუ სხვა, - ამის შესახებ ლატვიის პრეზიდენტმა, ედგარს რინკევიჩმა განაცხადა.
მისი თქმით, ბალტიის ქვეყნები იყვნენ პირველები რომლებმაც საქართველოს ხელისუფლების წარმომადგენლებს პერსონალური სანქციები დაუწესეს და ეს არის მიმართულება, რა მიმართულებითაც ევროკავშირის ფარგლებშიც იმუშავებენ.
„ნუ დაგვავიწყდება, რომ ბალტიის ქვეყნები იყვნენ პირველები, რომლებმაც პერსონალური სანქციები შემოიღეს. ეს არის ის მიმართულება, რომლითაც ჩვენი დიპლომატებიც ევროკავშირის ფარგლებშიც იმუშავებენ, მაგრამ საჭიროა კონსენსუსი. ეს საკითხი უახლოეს დღეებში განიხილება. ვფიქრობ, საუკეთესო გზას ვიპოვით საქართველოს მხარდასაჭერად, მაგრამ ვფიქრობ, ამ გზებზე ვისაუბრებთ თანამოაზრე ქვეყნების ლიდერებთან“, - აღნიშნა ლატვიის პრეზიდენტმა.
v-if="article.gallery" v-html="article.gallery"
