სპეციალური დანიშნულების რაზმმა ჭიჭინაძის და ჩიტაძის ქუჩები დატოვა. ტერიტორიიდან გაიყვანეს სპეცტექნიკაც-წყლის ჭავლის და სახანძრო სამაშველო მანქანები.

ამ დროისთვის, ტერიტორიაზე რჩება მხოლოდ საპატრულო პოლიცია, რომელსაც კორიდორი აქვთ გაკეთებული, თუმცა სპეციალური დანიშნულების რაზმი კვლავ იმყოფება პარლამენტის შიდა პერიმეტრზე.

რუსთაველის გამზირი კვლავ გადაკეტილია და საპროტესტო აქცია გრძელდება.

შსს-ს კუთვნილი მიკროავტობუსები და ავტობუსები რჩება თავისუფლების მოედანზე.

შეგახსენებთ, უკვე რამდენიმე დღეა რუსთაველის გამზირზე საპროტესტო აქციები მიმდინარეობს. მოქალაქეების პროტესტი მოჰყვა საქართველოს მთავრობის გადაწყვეტილებას, 2028 წლის ბოლომდე დღის წესრიგში არ დააყენოს ევროკავშირთან მოლაპარაკების გახსნის საკითხი.