მედია - ვოლოდიმირ ზელენსკი შესაძლოა, პარიზში დონალდ ტრამპს შეხვდეს

უკრაინის პრეზიდენტი ვოლოდიმირ ზელენსკი შესაძლოა, პარიზში აშშ-ის არჩეულ პრეზიდენტს, დონალდ ტრამპს შეხვდეს, - ამის შესახებ ინფორმაციას სააგენტო „ფრანს-პრესი“ უკრაინულ წყაროზე დაყრდნობით ავრცელებს.

სააგენტო წერს, რომ უკრაინის პრეზიდენტი, ვოლოდიმირ ზელენსკი და აშშ-ის არჩეული პრეზიდენტი, დონალდ ტრამპი ხვალ, პარიზის ღვთისმშობლის ტაძრის გახსნის ცერემონიას დაესწრებიან.

„უკრაინის პრეზიდენტი საფრანგეთის პრეზიდენტ ემანუელ მაკრონს შეხვდება. შესაძლებელია სხვა შეხვედრებიც, კერძოდ, არჩეულ პრეზიდენტთან დონალდ ტრამპთან, რომელიც ასევე, ღონისძიებას დაესწრება“, - განუცხადა „ფრანს-პრესს“ უკრაინულმა წყარომ.

ცნობისთვის, ბოლოს ვოლოდიმირ ზელენსკი დონალდ ტრამპს სექტემბერში, ნიუ-იორკში შეხვდა.