რუსთაველის გამზირზე საპროტესტო აქცია დღეისთვის დასრულებულია
რუსთაველის გამზირზე საპროტესტო აქცია დღეისთვის დასრულებულია. თავისუფლების მოედნის მიმდებარე ტერიტორიიდან წყლის ჭავლის მანქანები გაიყვანეს. რუსთაველის გამზირის მიმდებარე ტერიტორიიდან გადიან სასწრაფო დახმარების ჯგუფებიც.
მოგვიანებით, დასუფთავების სამსახურის თანამშრომლებმა ტერიტორიის დასუფთავების სამუშაოები დაიწყეს. ჩამოხსნეს დემონსტრაციებისას დაშავებული და ნაცემის ადამიანების ფოტოები და საპროტესტო პლაკატებიც, რომლებიც მანამდე ნაძვის ხის კონსტრუქციაზე აქციის მონაწილეებმა დაკიდეს.
ინფორმაციისთვის, მოქალაქეები “ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები. საპროტესტო გამოსვლები დედაქალაქში და ქვეყნის რამდენიმე ქალაქში 10 დღეზე მეტია მიმდინარეობს.
v-if="article.gallery" v-html="article.gallery"
