ისრაელი თავისი უსაფრთხოების დასაცავად ყველაფერს გააკეთებს, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ ჯო ბაიდენის მრჩეველს ეროვნული უსაფრთხოების საკითხებში, ჯეიკ სალივანს იერუსალიმში გამართული შეხვედრისას განუცხადა.

„ისრაელი ყველაფერს გააკეთებს, რათა თავისი უსაფრთხოება ნებისმიერი საფრთხისგან დაიცვას“, - განაცხადა ბენიამინ ნეთანიაჰუმ.

ისრაელის პრემიერ-მინისტრის ოფისის ცნობით, ჯეიკ სალივანთან შეხვედრაზე ბენიამინ ნეთანიაჰუმ სირიაში უმცირესობების დაცვის მნიშვნელობასა და სირიიდან ისრაელის წინააღმდეგ ტერორისტული თავდასხმების აღკვეთის აუცილებლობას ხაზი გაუსვა.