რუსთავში კიდევ ერთი ახალი შიდა საუბნო რეკრეაციული სივრცე გაიხსნა
რუსთავის მუნიციპალიტეტის მერიის ინფორმაციით, რუსთავში კიდევ ერთი ახალი შიდა საუბნო რეკრეაციული სივრცე გაიხსნა.
მათი ცნობით, მე-12 მიკრო/რაიონში, მოსახლეობის თხოვნით დაგეგმილი ახალი სკვერის მშენებლობა უკვე დასრულდა და წინასაახალწლოდ ცოცხალი ნაძვებით მოირთო.
„რუსთავში მოსახლეობის თხოვნით შიდა საუბნო საზოგადოებრივი სივრცეების განვითარებას ვაგრძელებთ. დღეს კიდევ ერთი მულტიფუნქციური სკვერი გავხსენით მე-12 მიკრორაიონში. ახალ სკვერში განსაკუთრებული პოზიტიური განწყობა უბნის პატარებისთვის მორთულმა ცოცხალმა ნაძვის ხემ შექმნა. საუბნო ნაძვის ხეების ერთად მორთვა, კიდევ ერთი კარგი ტრადიცია, რომელიც ბოლო წლებში დავამკვიდრეთ”, - განაცხადა რუსთავის მერმა, ნინო ლაცაბიძემ.
მათივე ცნობით, ახალი სკვერი, მე-12 მიკრორაიონის N18-19-20 და 21 საცხოვრებელი კორპუსების მიმდებარედ, 5 000 კვ/მ ტერიტორიაზეა გაშენებული. ახალ მულტიფუნქციურ სივრცეში, სპორტული მოედანი, საბავშვო ატრაქციონები, სპორტულ-გამაჯანსაღებელი, დასასვენებელი და მწვანე სივრცეებია მოწყობილი.
რუსთავის მერია მოსახლეობის თხოვნით შიდა საუბნო საზოგადოებრივი სივრცეების განვითარებას აქტიურად აგრძელებს.
v-if="article.gallery" v-html="article.gallery"
