ბრიუსელში ვაღწევთ შეთანხმებებსა და კომპრომისებს, რომლებიც ეყრდნობა პატიოსნებასა და ნდობას, ეს არის “ევროპული სული“, - ასე ეხმაურება საქართველოში გერმანიის ელჩი, პიტერ ფიშერი ირაკლი კობახიძის განცხადებას, რომელშიც ის მადლობას უხდის 5 ქვეყანას - სლოვაკეთს, იტალიას, ესპანეთს და რუმინეთს, რომელთაც მისი თქმით, მხარი არ დაუჭირეს სანქციებს.

“ევროკავშირის რაც შეეხება. ბრიუსელში არ მივდივართ ეროვნული ინტერესების დასაცავად. ვაღწევთ შეთანხმებებსა და კომპრომისებს, რომლებიც ეყრდნობა პატიოსნებასა და ნდობას, რაც ღირებულებას ზრდის და სარგებელი მოაქვს ყველა წევრისთვის კოლექტიურად. დადებითი ჯამის თამაში. ეს არის “ევროპული სული”.

P.S. “საზოგადოების შენიშვნები” საუკეთესოა!”, - წერს ფიშერი.

ცნობისთვის, “საზოგადოების შენიშვნები” სოციალური პლატფორმა X-ის ერთ-ერთი ფუნქციაა, რომელიც ყალბი ინფორმაციის გავრცელების შემთხვევაში ემატება გამოქვეყნებულ პოსტებს. კობახიძის განცხადებას დაემატა სწორედ აღნიშნული “სოციალური შენიშვნა”, რომელიც ამბობს: “ეს განცხადება სიცრუეა, რუმინეთის, იტალიისა და ესპანეთის მთავრობებმა უარყვეს ეს განცხადებები”.