აჭარის მთავრობის სახლთან და საქართველოს საკონსტიტუციო სასამართლოსთან საპროტესტო აქცია მიმდინარეობს.

როგორც შეკრებილები აღნიშნავენ, პროტესტი საქართველოს მასშტაბით ყოველდღიურად იზრდება.

მათივე თქმით, ქვეყნის საგარეო კურსი საფრთხეშია.

“დღეს, საგარეო პოლიტიკასთან დაკავშირებით ბევრი კითხვის ნიშნებია. დღეს გაყალბებულ არჩევნებზე ვსაუბრობთ, ჩატარდეს სამართლიანი არჩევნები, საზოგადოებამ უნდა განსაზღვროს პროპორცია. ყველაფერი ძალიან კარგად მიდის, პროტესტი დღითიდღე იზრდება, ყველა ქალაქში. ადამიანები საჭირო დროს არიან იქ სადაც უნდა იყვნენ. ვცხოვრობ იქ, სადაც განსხვავებული აზრის გამო ადამიანებს ციხეში სვამენ. ვიბრძოლებთ და პროცესს ვერავინ შეაჩერებს ეს დროის საკითხია, - რეჟიმის ტყვეები დატოვებენ ციხეს. პროტესტი იზრდება, ასე არასდროს ყოფილა”,- აცხადებს აქციის ერთ-ერთი მონაწილე.