გიორგი ჩაკვეტაძე - წარმოუდგენელი შეურაცხყოფა მიმდინარეობს ევროპის საბჭოს გენერალური მდივნის მისამართით - კოლექტიურ „ნაცმოძრაობას“ მხოლოდ ისეთი ევროპა უნდა, რომელიც მათ უჭერს მხარს და მხოლოდ ისეთი არჩევნები, სადაც თვითონ გაიმარჯვებენ

წარმოუდგენელი შეურაცხყოფა მიმდინარეობს თბილისში ოფიციალური ვიზიტით მყოფი ევროპის საბჭოს გენერალური მდივნის, ალენ ბერსეს მისამართით. კოლექტიურ „ნაცმოძრაობას“ მხოლოდ ისეთი ევროპა უნდა, რომელიც მათ უჭერს მხარს და მხოლოდ ისეთი არჩევნები, სადაც თვითონ გაიმარჯვებენ, - ამის შესახებ საპარლამენტო უმრავლესობის წევრი, გიორგი ჩაკვეტაძე წერს.

მისივე თქმით, მაშინ, როცა დემოკრატიულ სამყაროში ხელისუფლების ცვლილების ერთადერთი გზა არჩევნებია და უთანხმოების გადაწყვეტის ერთადერთი საშუალება - დისკუსია, ოპოზიცია არჩევნებში დამარცხდა და დისკუსიაზე უარს ამბობენ, შესაბამისად, დესტაბილიზაციის გარდა არაფერი დარჩენიათ.

„არჩევნებში დამარცხდნენ და დისკუსიაზე უარს ამბობენ. შესაბამისად, დესტაბილიზაციის გარდა არაფერი დარჩენიათ“, - წერს გიორგი ჩაკვეტაძე.