პარტია „ახალის" ახალციხის ოფისის წარმომადგენელი, დავით ახალკაცი დააკავეს.

როგორც "ინტერპრესნიუსს" პარტია "ახალის" პრესსამსახურში განუცხადეს, დაკავებას წინ უძღოდა ახალციხის მერის მოადგილე ვაჟა გაჩეჩილაძესა და დავით ახალკაცს შორის სიტყვიერი დაპირისპირება, რის შემდეგაც პოლიციამ ახალკაცი დააკავა.

არსებული ინფორმაციით, შემთხვევა ახალციხეში, საახალწლო ღონისძიებაზე მოხდა.

როგორც "ინტერპრესნიუსს" შინაგან საქმეთა სამინისტროში განუცხადეს, დავით ახალკაცი დაკავებულია ადმინისტრაციულ სამართალ დარღვევათა კოდექსის 166-ე და 173-ე მუხლებით.