„ჰუსიტების“ მიერ გაშვებული რაკეტა თელ-ავივის საჯარო პარკში აფეთქდა, რის შედეგად, 16 ადამიანი მსუბუქად დაშავდა, - ამის შესახებ ინფორმაციას The Times of Israel-ი მედიკოსებზე დაყრდნობით ავრცელებს.

ადგილობრივი მედიის ინფორმაციით, იემენიდან ისრაელის მიმართულებით გაშვებული რაკეტის გამო დღეს დილით განგაშის ხმა მთელ ცენტრალურ ისრაელში ისმოდა.

ისრაელის თავდაცვის ძალების ცნობით, რაკეტის განადგურების მცდელობები წარუმატებელი აღმოჩნდა.

„ჰუსიტების“ ოფიციალური პირის, ჰეზამ ალ-ასადის განცხადებით, „ისრაელის თავდაცვის სისტემების წარუმატებლობა ნიშნავს, რომ სიონისტური მტრის გული დაცული აღარ არის“.