დრონებით თავდასხმის შედეგად ყაზანში მდებარე საცხოვრებელ სახლებში ხანძარი გაჩნდა, - ამის შესახებ ინფორმაციას რუსული მედია თათრეთის რესპუბლიკის დედაქალაქის მერიაზე დაყრდნობით ავრცელებს.
„დღეს დილით ყაზანში, უპილოტო საფრენი აპარატების თავდასხმის შედეგად, სოვეცკისა და კიროვსკის რაიონებში მდებარე საცხოვრებელ სახლებში ხანძარი გაჩნდა. ადგილზე შესაბამისი სამსახურები მუშაობენ“, - აცხადებენ ყაზანის მერიაში.
რუსეთის თავდაცვის სამინისტროს ცნობით, დღეს დილით საჰაერო თავდაცვის სისტემებმა თათრეთის რესპუბლიკის ტერიტორიაზე უკრაინული დრონები გაანადგურეს.
