აზერბაიჯანში 26 დეკემბერი გლოვის დღედ გამოცხადდა, - ამის შესახებ ინფორმაციას აზერბაიჯანის სახელმწიფო საინფორმაციო სააგენტო AZERTAC-ი ავრცელებს.

ყაზახეთის ქალაქ აქთაუში „აზერბაიჯანის ავიახაზების“ თვითმფრინავის ჩამოვარდნასთან დაკავშირებით აზერბაიჯანის პრეზიდენტმა, ილჰამ ალიევმა ქვეყანაში 26 დეკემბერი გლოვის დღედ გამოაცხადა.

„აზერბაიჯანის პრეზიდენტის ბრძანებით, 26 დეკემბერი რესპუბლიკაში გლოვის დღედ გამოცხადდა“, - ნათქვამია განცხადებაში.

შეგახსენებთ, „აზერბაიჯანის ავიახაზების“ თვითმფრინავი Embraer 190, რომელიც ბაქოდან გროზნოში მიფრინავდა, დღეს ყაზახეთის ქალაქ აქთაუში ჩამოვარდა. ბოლო მონაცემებით, ავიაკატასტროფას 28 ადამიანი გადაურჩა.