სლოვაკეთი მზადაა, იყოს პლატფორმა უკრაინის კონფლიქტის მოგვარების შესახებ მოლაპარაკებებისთვის, რუსეთი ამის წინააღმდეგი არ არის, - ამის შესახებ რუსეთის პრეზიდენტმა, ვლადიმერ პუტინმა განაცხადა.

პუტინმა მედიასთან საუბრისას კომენტარი გააკეთა ცნობებზე იმის შესახებ, რომ სლოვაკეთის პრემიერ-მინისტრმა რობერტ ფიცომ გამოხატა მზადყოფნა, უკრაინის კონფლიქტის მოგვარების შესახებ მოლაპარაკებები სლოვაკეთში გამართოს.

„რაც შეეხება მოლაპარაკებების ადგილს : დიახ, მან თქვა, რომ თუ საქმე მოლაპარაკებებამდე მივა, მოხარული იქნება, თუ შემოგვთავაზებს მის ქვეყანას, როგორც პლატფორმას ასეთი მოლაპარაკებების ჩატარებისთვის. ჩვენ ამის წინააღმდეგი არ ვართ, თუკი აქამდე მივალთ, რატომაც არა, სლოვაკეთი ნეიტრალურ პოზიციას იკავებს, ეს ჩვენთვის მისაღები ვარიანტია“, - აღნიშნა პუტინმა.