„საჯარო მოსამსახურეთა დამოუკიდებელი პროფესიული კავშირი - კონსტიტუციის 78-ე მუხლი“ დღეის მდგომარეობით, სამართლებრივ დახმარებას 56 გათავისუფლებულ საჯარო მოსამსახურეს უწევს. ამის შესახებ ინფორმაციას „საჯარო მოსამსახურეთა დამოუკიდებელი პროფესიული კავშირი - კონსტიტუციის 78-ე მუხლი“ ავრცელებს.

ამავე ინფორმაციის თანახმად, „განგაშის საფუძველს იძლევა ის ფაქტი“, რომ ყოველი მათგანი საქართველოს კონსტიტუციის, სახელმწიფოებრიობისა და ქვეყნის ევროინტეგრაციის მხარდამჭერი საჯარო განცხადებების ხელმომწერია, რაც „გვაფიქრებინებს, რომ ისინი აზრისა და გამოხატვის თავისუფლების გამო დისკრიმინაციის მსხვერპლნი არიან“.

„საჯარო მოსამსახურეთა დამოუკიდებელი პროფესიული კავშირი - კონსტიტუციის 78-ე მუხლი“ მზადაა, დაიცვას საჯარო სამსახურიდან გათავისუფლებულთა უფლებები და მოუწოდებს მათ, დაუკავშირდნენ ორგანიზაციას სოციალური გვერდის მეშვეობით.