მოშლილი სახელმწიფოს უწყებების პირობებში საქართველო გარეული ცხოველების კონტრაბანდის ბუდედ გადაიქცა, - ამის შესახებ სოციალურ ქსელში „ძლიერი საქართველოს“ წევრი დეა მეტრეველი წერს.

მისი თქმით, „შემოჰყავთ ბოკვერები, ამყოფებენ შეუსაბამო პირობებში და ეღუპებათ“.

როგორც დეა მეტრეველი აღნიშნავს, მისი ინფორმაციით, ერთ-ერთი პირი, რომელიც პანკისშია, სოციალურ ქსელებში ავრცელებს მსგავს ფოტო და ვიდეო მასალას და არც ერთ უწყებას არ აქვს რეაგირება.

„სავარაუდოდ ვეფხვის ეს ბოკვერი დაიღუპა - თბილისის ზოოპარკში უნდოდათ მიეყვანათ მძიმე მდგომარეობაში რამდენიმე დღის წინ.

ცხოველთა უფლებადამცველებს განგაში აქვთ გამოცხადებული და არავინ აქცევს ამ პრობლემას ყურადღებას.

გარემოს დაცვისა და სოფლის მეურნეობის სამინისტრო, ცოცხლები ხართ?“ - წერს დეა მეტრეველი.