დონალდ ტრამპი - შევხვდები პრეზიდენტ პუტინს - უკრაინისა და რუსეთის ომი რაც შეიძლება სწრაფად უნდა დავასრულოთ
აშშ-ის პრეზიდენტის, დონალდ ტრამპის განცხადებით, რუსეთის პრეზიდენტ ვლადიმერ პუტინთან შეხვედრას გეგმავს როგორც კი მოლაპარაკებები დაიწყება, - ინფორმაციას CNN-ი ავრცელებს.
„შევხვდები პრეზიდენტ პუტინს. ეს მზადდება", - განუცხადა პრეზიდენტმა ჟურნალისტებს.
მისი თქმით, უკრაინისა და რუსეთის ომი რაც შეიძლება სწრაფად უნდა დასრულდეს.
"ვეცდებით, ეს რაც შეიძლება სწრაფად დავასრულოთ. მოგეხსენებათ, უკრაინისა და რუსეთის ომი არასოდეს უნდა დაწყებულიყო“, - განაცხადა ტრამპმა.
მისი თქმით, ფიქრობს, რომ უკრაინის პრეზიდენტს, ვოლოდიმირ ზელენსკის კონფლიქტის დასრულების შეთანხმება სურს.
მანამდე, მარკო რუბიომ, რომელიც აშშ-ის სახელმწიფო მდივნის თანამდებობას დაიკავებს, განაცხადა, რომ რუსეთსა და უკრაინას შორის ომის დასრულების ვადებს ვერ დაასახელებს, თუმცა, მისი თქმით, ორივე მხარეს მოუწევს რაღაცის დათმობა, რაც კონფლიქტის მოგვარების პროცესის ბუნებრივი ნაწილია.
v-if="article.gallery" v-html="article.gallery"
