აშშ-ის სახაზინო დეპარტამენტმა სანქციები დაუწესა ჰააგის სასამართლოს პროკურორს კარიმ ხანს. ამის შესახებ ინფორმაციას აშშ-ის სახაზინო დეპარტამენტის უცხოური აქტივების კონტროლის ოფისი ავრცელებს.

ცნობისთვის, 7 თებერვალს აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას, რომლითაც სისხლის სამართლის საერთაშორისო სასამართლო (ჰააგის სასამართლო) დაასანქცირა.

აღმასრულებელ ბრძანებაში აღნიშნული იყო, რომ სასამართლო ახორციელებს არალეგიტიმურ და უსაფუძვლო ქმედებებს, რომელთაც სამიზნეც შეერთებული შტატები და მისი მოკავშირე ისრაელია.

სანქციები ითვალისწინებს ფინანსური და სავიზო შეზღუდვების დაწესებას იმ პირებსა და მათ ოჯახებზე, რომლებიც ხელს უწყობენ სისხლის სამართლის საერთაშორისო სასამართლოს გამოძიებას ამერიკის შეერთებული შტატების მოქალაქეების ან მოკავშირეების წინააღმდეგ.