ვოლოდიმირ ზელენსკის განცხადებით, აშშ-უკრაინის მოლაპარაკებები საუდის არაბეთში მომავალ კვირაში გაიმართება
უკრაინის პრეზიდენტი ვოლოდიმირ ზელენსკი აცხადებს, რომ უკრაინელი მომლაპარაკებლები მომავალ კვირას საუდის არაბეთში აშშ-ს ოფიციალურ პირებს შეხვდებიან.
ზელენსკის თქმით, ომი რაც შეიძლება სწრაფად უნდა დასრულდეს და უკრაინა მზად არის 24/7-ზე იმუშაოს მშვიდობისთვის პარტნიორებთან შეერთებულ შტატებსა და ევროპაში.
ზელენსკი კვლავ იმეორებს ნაბიჯებს, რომელსაც უკრაინა განიხილავს, "როგორც პროლოგს უფრო ფართო და ყოვლისმომცველი დარეგულირებისკენ".
"პირველი პრიორიტეტი ცაში ცეცხლის შეწყვეტის ჩამოყალიბება და სრული კონტროლი შეიძლება იყოს (რაკეტებით, შორი მანძილის დრონებითა და ბომბებით ენერგეტიკისა და სხვა სამოქალაქო ინფრასტრუქტურის დაბომბვის შეჩერება), ისევე როგორც ცეცხლის შეწყვეტა ზღვაში, რაც შავ ზღვაში ყველა სამხედრო ოპერაციის შეჩერებას ნიშნავს, რაც უზრუნველყოფს მშვიდობიან და უსაფრთხო ნავიგაციას. ამ პირველ ნაბიჯებს როგორც პროლოგს განვიხილავთ უფრო ფართო და ყოვლისმომცველი დარეგულირებისკენ. ეს ომი რაც შეიძლება სწრაფად უნდა დასრულდეს, უკრაინა მზად არის 24/7-ზე იმუშაოს მშვიდობისთვის ჩვენს პარტნიორებთან შეერთებულ შტატებსა და ევროპაში. მომდევნო ორშაბათს, დაგეგმილი ვიზიტი მაქვს საუდის არაბეთში სამეფო ტახტის მემკვიდრესთან შეხვედრისთვის. ამის შემდეგ ჩემი გუნდი საუდის არაბეთში დარჩება ჩვენს ამერიკელ პარტნიორებთან სამუშაოდ. უკრაინა ყველაზე მეტად არის დაინტერესებული მშვიდობით. როგორც აშშ-ის პრეზიდენტს ვუთხარით, უკრაინა მუშაობს და გააგრძელებს კონსტრუქციულად მუშაობას სწრაფი და სანდო მშვიდობისთვის,” - წერს ზელენსკი სოციალურ ქსელში.
უკრაინის პრეზიდენტი საუდის არაბეთის მაღალჩინოსნებს თავდაპირველად გასულ თვეში უნდა შეხვედროდა, მაგრამ ზელენსკიმ ვიზიტი გადადო მას შემდეგ, რაც საუდის არაბეთში 18 თებერვალს აშშ-რუსეთის მოლაპარაკებები გაიმართა. მასზე კიევი არ იყო მიწვეული.
v-if="article.gallery" v-html="article.gallery"
