უკრაინელებმა რუსების მიერ გაშვებული ერთი რაკეტა და 79 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, სულ რუსულმა ძალებმა უკრაინის მიმართულებით „ისკანდერ-მ“ ტიპის 1 ბალისტიკური რაკეტა და 126 დრონი გაუშვეს.

უკრაინის თავდაცვის ძალებმა ერთი „ისკანდერ-მ“ ტიპის რაკეტა და 79 დრონი ჩამოაგდეს, ხოლო რუსების მიერ გაშვებული 35 დრონი უკრაინის ტერიტორიაზე გაუჩინარდა.

„მტრის თავდასხმის შედეგად დონეცკის, ოდესის, ხარკოვის, სუმისა და კიევის ოლქები დაზარალდა“, - აცხადებენ უკრაინის საჰაერო ძალებში.

უკრაინის თავდაცვის ძალებმა რუსების მიერ გაშვებული დრონები ხარკოვის, პოლტავის, სუმის, ჩერნიგოვის, კიევის, ჟიტომირის, ვინიცის, დნეპროპეტროვსკის, ზაპოროჟიეს, ოდესისა და ხერსონის ოლქებში გაანადგურეს.