უკრაინის საჰაერო ძალების ინფორმაციით, რუსების მიერ გაშვებული 130 დრონი ჩამოაგდეს
უკრაინელებმა რუსების მიერ გაშვებული 130 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.
უკრაინის საჰაერო ძალების ცნობით, სულ რუსულმა ძალებმა უკრაინის მიმართულებით „ისკანდერ-მ“ ტიპის 2 ბალისტიკური რაკეტა და 178 დრონი გაუშვეს, რომელთაგან 130 უკრაინის თავდაცვის ძალებმა ჩამოაგდეს, ხოლო 38 დრონი უკრაინის ტერიტორიაზე გაუჩინარდა.
„მტრის თავდასხმის შედეგად დნეპროპეტროვსკის, ხარკოვის, ოდესის, სუმის, ჩერნიგოვისა და კიევის ოლქები დაზარალდა“, - აცხადებენ უკრაინის საჰაერო ძალებში.
უკრაინის თავდაცვის ძალებმა რუსების მიერ გაშვებული დრონები ხარკოვის, პოლტავის, სუმის, ჩერნიგოვის, ჩერკასის, კიევის, ჟიტომირის, ხმელნიცკის, კიროვოგრადის, დნეპროპეტროვსკის, დონეცკის, ზაპოროჟიეს, ოდესისა და ნიკოლაევის ოლქებში გაანადგურეს.
v-if="article.gallery" v-html="article.gallery"
