„ლელო-ძლიერი საქართველოს“ ლიდერებმა, მარნეულში ადგილობრივ მუსლიმთა თემს, კოალიციის მხარდამჭერებსა და ორგანიზაციის წევრებს ნოვრუზ ბაირამი მიულოცეს

დღეს, მარნეულში „ლელო-ძლიერი საქართველოს“ ლიდერებმა, ბადრი ჯაფარიძემ, აგილ მუსტაფაევმა, ლანა გალდავამ და ვატო სურგულაძემ, ადგილობრივ მუსლიმთა თემს, კოალიციის მხარდამჭერებსა და ორგანიზაციის წევრებს ნოვრუზ ბაირამი მიულოცეს. ამის შესახებ ინფორმაციას „ლელო-ძლიერი საქართველო“ ავრცელებს.

მათივე ცნობით, შეხვედრა კითხვა-პასუხის რეჟიმში წარიმართა და ქვეყანაში მიმდინარე საპროტესტო პროცესებს და არსებულ პოლიტიკურ გამოწვევებს შეეხებოდა.

„შეხვედრა ასევე შეეხებოდა პოლიტპატიმრების გათავისუფლებასა და ახალი არჩევნების ჩატარების აუცილებლობას“, - ნათქვამია ინფორმაციაში.