რუსთაველის გამზირზე საპროტესტო აქცია განახლდა. უწყვეტი პროტესტის 126-ე დღესაც, საკანონმდებლო ორგანოსთან შეკრებილმა მოქალაქეებმა საავტომობილო გზა გადაკეტეს.
დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
პარალელურად, აქცია მიმდინარეობს საზოგადოებრივი მაუწყებლის შენობასთან, საიდანაც მოგვიანებით მოქალაქეები საპროტესტო მსვლელობით რუსთაველის გამზირზე გადმოინაცვლებენ და პარლამენტთან მიმდინარე აქციას შეუერთდებიან.
საპროტესტო აქცია გაიმართა ბათუმშიც, საქართველოს საკონსტიტუციო სასამართლოსთან მოქალაქეები შეიკრიბნენ ლოზუნგით: “თავისუფლება რეჟიმის ტყვეებს”. მათი განცხადებით, ბათუმელი მედროშე თემურ ქათამაძე საპატიმროში შიმშილს აგრძელებს. შეკრებილები ამბობენ, რომ სხვადასხვა აქციის დროს, დაკავებული თითოეული მოქალაქე "რეჟიმის პატიმარია".
