„საზოგადოებრივი მაუწყებლის“ სამეურვეო საბჭოს თავმჯდომარედ კვლავ ვასილ მაღლაფერიძე აირჩიეს. კენჭისყრის შედეგების მიხედვით, აღნიშნულ პოსტზე მაღლაფერიძის არჩევის მომხრე 8 ადამიანი იყო, წინააღმდეგ კი - 3.

„მე არ ვხსნი ჩემს კანდიდატურას. მეტიც, პატივისცემას ამით გამოვხატავ ჩემი კოლეგების მიმართ. მეც მივცემ საკუთარ თავს ხმას“, - განაცხადა მაღლაფერიძემ.

ცნობისთვის, „მაუწყებლობის შესახებ“ კანონში 2023 წელს შესული ცვლილების მიხედვით, სამეურვეო საბჭოს თავმჯდომარეს ახლა 6 წლის ვადით აირჩევენ.