საქართველოს პარლამენტთან, რუსთაველის გამზირზე მყოფმა აქციის მონაწილეებმა საავტომობილო გზა გადაკეტეს.
პროტესტის მონაწილეებს ადგილზე ევროკავშირისა და საქართველოს დროშები აქვთ მიტანილი. ისინი სკანდირებენ - „საქართველო".
ტერიტორიაზე მობილიზებულია საპატრულო პოლიცია.
ცნობისთვის, დღეს უწყვეტი აქციის 137-ე დღეა. აქციის მონაწილეების მოთხოვნები კვლავ უცვლელია - დაინიშნოს ახალი საპარლამენტო არჩევნები და გათავისუფლდნენ მიმდინარე აქციების პერიოდში დაკავებული პირები.
