პროტესტი ერთი წამითაც რომ ჩაცხრეს, დასავლეთი ახლა იმ მდგომარეობაშია, საერთოდ აღარ გამოიხედავს აქეთ, - ამის შესახებ უსაფრთხოების სპეციალისტმა, ანდრო გოცირიძემ „პალიტრანიუსის“ გადაცემა „პოლიტიკურ სივრცეში“ ქვეყანაში მიმდინარე პროცესებზე საუბრისას განაცხადა.

ანდრო გოცირიძის მოსაზრებით, საჭიროა ოპოზიციამ „ხელისუფლების პროპაგანდას“ მწყობრი საინფორმაციო კამპანია დაუპირისპიროს.

„თუ არ იქნება [ზეწოლა], ბუნებრივია ხელისუფლებას დასათმობიც არაფერი ექნება. რაღაც რაოდენობის ადამიანები უკმაყოფილებას რომ გამოხატავენ, ამას „ქართული ოცნებაც“ აღიარებს, მაგრამ ამით „ოცნება“ მანიპულირებს, ამბობს, რომ კი ბატონო, არის 15-20%, რომელიც რაღაც პროტესტს გამოხატავს, მაგრამ ისინი ყველანი არიან აგენტები.

თუ ვაღიარებთ, რომ მეორე მხრიდან გვიპირისპირდება რუსეთის მწყობრი საინფორმაციო კამპანია, შენც აქედან უნდა დაუპირისპირო მწყობრი კამპანია. თუ ვამბობთ, რომ ესენი უცოდინრები არიან, ფაქტია, რომ არ არიან უცოდინრები. ყოველ შემთხვევაში, ისინი, ვინც უცოდინრები არიან, არ მართავენ ამ სიტუაციას. „ოცნებაში“ ყველა მესაჭე კი არ არის, მესაჭე ვინცაა, შეიძლება იმას „კონსალტინგის“ კომპანია ჰყავს, რომელიც „ეფესბეს” გენერლებითაა დაკომპლექტებული და ძალიან სწორად აწვდის „მესიჯს" და მერე ეს „მესიჯი" ითარგმანები ისე, როგორც საჭიროა. ამიტომაც აქეთა მხრიდან საჭიროა მსგავსი რაღაც.

თავების თვლას აზრი არ აქვს, პროტესტმა უზარმაზარი როლი შეასრულა. პროტესტი ერთი წამითაც რომ ჩაცხრეს, დასავლეთი ახლა იმ მდგომარეობაშია, საერთოდ აღარ გამოიხედავს აქეთ. პირველ რიგში ამერიკის შეერთებულ შტატებს ვგულისხმობ იმიტომ, რომ შიდა კამპანიები აქვთ ძალიან ბევრი. პოლიტიკური შედეგის მიღწევა ენთუზიასტების, მოქალაქეების ამ ჯგუფის ხარჯზე ვერ ხდება, იმიტომ რომ ეს არ არის 2003 წელი. 10 წლის წინ სოციალური ქსელები დიქტატორების სისუსტე იყო, მაგრამ შემდეგ დაჯდა ადამიანების ერთი ჯგუფი, გადაალაგეს და დაუპირისპირეს საკუთარი საინფორმაციო კამპანია და ახლა სოციალური ქსელები პირიქით იარაღია მათ ხელში“, - განაცხად ანდრო გოცირიძემ.