რუსეთის საგარეო საქმეთა მინისტრმა, სერგეი ლავროვმა აშშ-ის სახელმწიფო მდივან მარკო რუბიოსთან სატელეფონო საუბარი გამართა, - ინფორმაციას რუსეთის საგარეო საქმეთა სამინისტრო ავრცელებს.

უწყების ცნობით, სატელეფონო საუბრის დროს ძირითადი აქცენტი უკრაინის თემაზე გაკეთდა.

„გაგრძელდა შეხედულებების პროდუქტიული გაცვლა რუსეთ-ამერიკის პოლიტიკური დიალოგის ძირითად ასპექტებზე. ძირითადი აქცენტი უკრაინის კრიზისის თემაზე გაკეთდა. მინისტრმა და სახელმწიფო მდივანმა ხაზი გაუსვეს მოლაპარაკებების დაწყებისთვის არსებული წინაპირობების კონსოლიდაციის მნიშვნელობას, გრძელვადიანი მდგრადი მშვიდობისკენ მიმავალი სანდო გზის შეთანხმების მიზნით“, - აღნიშნულია რუსეთის საგარეო უწყების განცხადებაში.