2024 წელს სუს-ის კონტრდაზვერვითი საქმიანობის შედეგად, კონტრდაზვერვის დეპარტამენტის მიერ გამოძიება სისხლის სამართლის 8 საქმეზე დაიწყო, - ამის შესახებ სუს-ის 2024 წლის ანგარიშშია აღნიშნული.

როგორც ანგარიშში ვკითხულობთ, სამსახურის შესაბამისი სტრუქტურული ერთეულების მიერ მოპოვებული ათობით ოპერატიული ინფორმაცია ქვემდებარეობით გადაიგზავნა საგამოძიებო უწყებებში, სადაც გამოძიება სისხლის სამართლის საქმეებზე დაიწყო.

„უცხო ქვეყნების სპეციალური სამსახურების დესტრუქციული საქმიანობის განეიტრალების მიზნით, სუს-ი კონტრდაზვერვითი საქმიანობის ფარგლებში, აქტიურ მუშაობას აგრძელებდა, ხორციელდებოდა მათი დაინტერესების მიმართულებების, მათ ინტერესებში მოქმედი პირებისა და პირთა ჯგუფების გამოვლენა, ამასთან, მათი საქმიანობის მონიტორინგი, ამოცანებისა და მიზნების დადგენა.

სამსახურის ოპერატიული, ოპერატიულ-საგამოძიებო და ანალიტიკური მუშაობის შედეგად, მათ შორის სხვა სახელმწიფო უწყებებთან კოორდინაციის პირობებში, მოხერხდა უცხო ქვეყნების სპეცსამსახურების მიერ ინსპირირებული ქვეყნის ეროვნული ინტერესების დამაზიანებელი ღონისძიებების განეიტრალება“,- ნათქვამია ანგარიშში.