რუსთაველის გამზირზე საპროტესტო აქცია განახლდა. უწყვეტი პროტესტის 163-ე დღესაც აქციის მონაწილეებმა რუსთაველის გამზირი გადაკეტეს.

„ევროპის მოედანზე“ შეკრებილების ნაწილმა რუსთაველის გამზირისკენ მსვლელობით გადაინაცვლა.

მათ ევროპის დღისადმი მიძღვნილ აქციაზე განაცხადეს, რომ უწყვეტი პროტესტი რუსთაველის გამზირზე დღესაც უნდა გაიმართოს.

მოქალაქეების უცვლელი მოთხოვნებია: აქციის დროს დაკავებულების გათავისუფლება და ახალი არჩევნების დანიშვნა.