რადოსლავ სიკორსკი კრაკოვში რუსეთის საკონსულოს მუშაობის ნებართვას აუქმებს
პოლონეთის საგარეო საქმეთა მინისტრის, რადოსლავ სიკორსკის განცხადებით, ვარშავაში სავაჭრო ცენტრის დაწვაში რუსეთის დაზვერვის სამსახურების მონაწილეობის მტკიცებულებების არსებობის გამო, კრაკოვში რუსეთის საკონსულოს ფუნქციონირების ნებართვის გაუქმებას აპირებს.
„იმის გამო, რომ არსებობს მტკიცებულება, რომ რუსეთის სპეცსამსახურებმა ჩაიდინეს სამარცხვინო დივერსიული აქტი მარივილსკას ქუჩაზე მდებარე სავაჭრო ცენტრის წინააღმდეგ, გადავწყვიტე, გავაუქმო კრაკოვში რუსეთის ფედერაციის საკონსულოს ფუნქციონირებაზე გაცემული თანხმობა“, - წერს სიკორსკი სოციალურ ქსელში.
შეგახსენებთ, მანამდე, პოლონეთის პრემიერ-მინისტრმა, დონალდ ტუსკმა განაცხადა, რომ ვარშავაში, მერივილსკას სავაჭრო ცენტრში 2024 წლის მაისში გაჩენილი ხანძარი რუსული სპეცსამსახურების მიერ იყო დაკვეთილი. მერივილსკას სავაჭრო ცენტრში ხანძარი 2024 წლის 12 მაისს მოხდა, რის შედეგადაც სავაჭრო ცენტრში 1400 მაღაზია და მომხმარებელთა მომსახურების პუნქტი მთლიანად დაიწვა.
v-if="article.gallery" v-html="article.gallery"
