მარკო რუბიო - ნატო-ს წევრები ივნისის სამიტამდე შეთანხმდებიან, რომ მომდევნო ათწლეულის განმავლობაში თავდაცვის ხარჯები მშპ-ს 5%-მდე გაზარდონ
აშშ-ის სახელმწიფო მდივნის, მარკო რუბიოს განცხადებით, 2025 წლის ივნისში დაგეგმილ ნატო-ს სამიტამდე ალიანსის ყველა წევრი სახელმწიფო მომდევნო ათწლეულის განმავლობაში თავდაცვაზე მთლიანი შიდა პროდუქტის 5%-ის ეკვივალენტის დახარჯვის მიზანზე შეთანხმდება, - ინფორმაციას Reuters-ი ავრცელებს.
„შემიძლია გითხრათ, რომ ექვს კვირაში სამიტისკენ მივდივართ, სადაც ნატო-ს თითქმის ყველა წევრი 2%-ზე ან მეტზე იქნება, მაგრამ რაც მთავარია, ბევრი მათგანის მაჩვენებელი 4%-ზე მეტი იქნება და ყველა შეთანხმდება მომდევნო ათწლეულის განმავლობაში 5%-ის მიღწევის მიზანზე“, - განაცხადა რუბიომ.
ცნობისთვის, გერმანიის საგარეო საქმეთა მინისტრმა, იოჰან ვადეფულმა მიმდინარე კვირაში განაცხადა, რომ ბერლინი მხარს უჭერს აშშ-ის პრეზიდენტ დონალდ ტრამპის მოთხოვნას თავდაცვის ალიანსის წევრების მიმართ, თავდაცვის ხარჯები მთლიანი შიდა პროდუქტის (მშპ) 5%-მდე გაზარდონ.
ნატო-ს 2025 წლის სამიტი ნიდერლანდებში 24-25 ივნისს გაიმართება.
v-if="article.gallery" v-html="article.gallery"
