უკრაინის პრეზიდენტის ადმინისტრაციის ხელმძღვანელის, ანდრეი ერმაკის განცხადებით, ეროვნული უსაფრთხოების საკითხებში გაერთიანებული სამეფოს, აშშ-ის, გერმანიისა და საფრანგეთის ლიდერების მრჩევლებთან სტამბოლში გამართულ შეხვედრაზე, უკრაინისა და რუსეთის დელეგაციებს შორის დაგეგმილი შეხვედრის წინ, პოზიციები შეათანხმეს.

ერმაკის ინფორმაციით, უკრაინის საგარეო საქმეთა მინისტრ ანდრეი სიბიგასთან და თავდაცვის მინისტრ რუსტემ უმეროვთა ერთად შეხვედრა გამართა უკრაინის საკითხზე აშშ-ის პრეზიდენტის სპეციალურ წარმომადგენელთან, კიტ კელოგთან, გაერთიანებული სამეფოს პრემიერ-მინისტრის მრჩეველთან ეროვნული უსაფრთხოების საკითხებში, ჯონათან პაუელთან, საფრანგეთის პრეზიდენტის მრჩეველთან დიპლომატიურ საკითხებში, ემანუელ ბონთან და გერმანიის კანცლერის მრჩეველთან საგარეო და უსაფრთხოების პოლიტიკის საკითხებში გიუნტერ ზაუტერთან.

„შევათანხმეთ პოზიციები სტამბოლში უკრაინისა და რუსეთის დელეგაციებს შორის დაგეგმილი შეხვედრის წინ. უკრაინა მზადაა მშვიდობისა და ხანგრძლივი, უპირობო ცეცხლის შეწყვეტისთვის. ჩვენ ასევე მზად ვართ შეხვედრებისა და მოლაპარაკებებისთვის უმაღლეს დონეზე“, - აცხადებს ერმაკი.